نشتم يعنى؟!
امتى بقى هتجيلنا النية.. ونصحى من ام النومة ديا.. امتى نفوق.. ماجيناش بالزوق.. نشتم يعنى؟!.. طب محروق.. ملعون مدعوء..خطفاه السكينة.. حتماً هيدوق.. طعم النار.. وتطوله حروق..جاياله من فوق__ حقنا مدلوء.. ولا لينا حقوق.. دمنا محروق.. لافين 100 طوق.. حوالين راقبينا.. لكن بالزوق.. والواحد فينا.. منى عينه يروق.. ويقوم من على كرسى سكوته.. وبأيده يسوق__ متداره بسوء.. واتقلبت سوق.. السارق فيه.. داس ع المسروق.. واللى معاه الحق.. أصبح محقوق.. والشمس اهى ماشية ومش ناوية.. ترجع بشروق.. انت اللى بأيدك تتكلم.. وبأيدك برضه تشيل جواك.. وتموت مخنوق!!.. مش يلا نفوق؟؟
بتاريخ: 23/1/2011
=============
ماتصحى بقى ياضمر!!
ماتصحى بقى ياضمير.. ليه بقى نومك تقيل.. طب قولى نايم بمزاجك.. ولا ده امر وتخدير ___ الخوف مش نومك يطول..الخوف بجد تكون.. صبحت خلاص قتيل___ بقولك ايه ياضمير.. ماتيجى نعمل مبادلة.. تقوم من ع السرير.. وينام الظلم اولى.. قلقان عليك ياضمير.. ماتصحى نمت كتير !!
بتاريخ: 24/10/2010
بتاريخ: 24/10/2010
ليست هناك تعليقات:
إرسال تعليق